1887

n Stellenbosch Law Review = Stellenbosch Regstydskrif - Migrant workers and the right to social security : an international perspective

USD

 

Abstract

Migrasie toon wêreldwyd 'n stygende tendens. Daar word bereken dat een uit elke vyftig mense buite hul land van oorsprong woon. Wat egter ook 'n stygende tendens toon is die algemene en wydverspreide miskenning van die menseregte van trekarbeiders, m a w persone wat buite hulle landsgrense werk. Hierdie artikel ondersoek die rol wat internasionale instrumente (soos uitgereik en aangeneem deur die Verenigde Nasies en die Internasionale Arbeidsorganisasie) asook internasionale ooreenkomste (bilateraal en multilateral) speel om die regte van trekarbeiders te beskerm. Veral die beskerming van trekarbeiders se reg op sosiale sekerheid (wat beide sosiale versekering en sosiale bystand insluit) kom onder die loep. Alhoewel daar onlangs positiewe ontwikkelinge op internasionale vlak plaasgevind het, en die rol wat bilaterale en multilaterale ooreenkomste speel bemoedigend is, dui die artikel daarop dat daar baie ruimte vir verbetering is. Tekortkominge word uitgewys en spesifieke voorstelle vir verbeteringe word gemaak. Laastens word die kwessie van die verlening van sosiale bystand aan trekarbeiders bestudeer. Daar word bevind dat meeste lande weier om voordele wat in die geheel of gedeeltelik vanuit staatsfondse gefinansier word aan trekarbeiders te verleen. Hierdie stand van sake word gekritiseer op die basis dat dit neerkom op 'n miskenning van die bydrae wat trekarbeiders tot die staatskas maak deur middel van (direkte en / of indirekte) belastingbydraes, asook as 'n miskenning van die beginsels van sosiale geregtigheid en billikheid. Die tyd is ryp dat daar oorweging geskenk moet word aan die insluiting van 'n bepaling in die relevante internasionale instrumente wat 'n minimum vlak van sosiale bystand aan trekarbeiders waarborg.

Loading

Article metrics loading...

/content/ju_slr/18/2/EJC54629
2007-01-01
2016-12-06
This is a required field
Please enter a valid email address
Approval was a Success
Invalid data
An Error Occurred
Approval was partially successful, following selected items could not be processed due to error