n Die Kerkblad - GKSA Algemene Sinode 2015 : van oraloor

Abstract

Agenda: Die vierde algemene verkiesing, stakings deur NUM en AMCU, droogte in Noordwes en Noord-Kaap, renosterstropings, swakker rand, duurder kospryse, rentekoerse ... 'n algemene sinode? Dis asof 'n mens se kop glad nie in daardie rigting wil of kan dink nie. Vir die agenda van Sinode 2015 kan ons solank die volgende begin aanpak en inpak:

1. Die beplande datum strek DV vanaf 5 Januarie (6 Januarie) tot 14 Januarie 2015. Afgevaardigdes kan aankom en intrek neem op Maandag, 5 Januarie, en dan begin die vergadering op 6 Januarie, om 09:00. Elke dag wat ons voor 14 Januarie kan klaarmaak, soveel te beter vir effektiewe tydsbenutting en koste besparing.
2. Alle dokumente wat in die agenda geplaas moet en wil word, word op die laaste teen 30 Junie 2014 elektronies na Wymie du Plessis (wymiedup@gksa.co.za) gestuur.