1887

oa Journal of Family Ecology and Consumer Sciences = Tydskrif vir Gesinsekologie en Verbruikerswetenskappe - Sizing for ethnicity in multi-culture societies : validation of the size specifications for young South African women of African descent

Volume 44, Issue 1
  • ISSN : 0378-5254

 

Abstract

Muthambi et al (2015) het grootte-spesifikasies voorgestel vir jong Suid-Afrikaanse vroue van Afrika-afkoms met driehoekvormige liggaamsbou. Hierdie opvolgstudie was daarop gemik om vas te stel of die grootte-spesifikasies soos voorgestel in Muthambi et al (2015) aan Suid-Afrikaanse vroulike studente van Afrika-afkoms met driehoekvormige liggaamsbou 'n verbeterde algehele kwaliteit van passing bied. Kwaliteit van passing is geëvalueer op 'n nie-verteenwoordigende steekproef van een deelnemer per grootte. 'n Paneel vakkundiges met ervaring in die evaluering van kledingpassing (apparel fit) het die toetskledingstukke se kwaliteit van passing geëvalueer. Die bevindinge dui daarop dat die heersende Suid-Afrikaanse groottebepaling (sizing) nie voldoende voorsiening maak vir aanvaarbare algehele kwaliteit van passing vir jong Suid-Afrikaanse vroue van Afrika-afkoms met driehoekvormige liggaamsbou nie. Die eenheid van analise is gekenmerk deur 'n heupmaat wat groter is as die borsmaat. Die deelnemers het toetskledingstukke benodig wat, gebaseer op die heersende Suid-Afrikaanse standaardmates, twee groottes groter gesny moes word, dit wil sê volgens die grootte-spesifikasies soos voorgestel in Muthambi et al (2015) om hul groter heupmate te akkommodeer. Die toetskledingstukke wat volgens die heersende Suid-Afrikaanse standaardmates ontwikkel is, het dus 'n te los passing in die bolyf getoon. Die toetskledingstukke wat gesny is volgens die grootte-spesifikasies voorgestel in Muthambi et al (2015), was ontwerp om die groter onderlyfmate van die deelnemers te akkommodeer, en het derhalwe vir die deelnemers 'n verbeterde algehele kwaliteit van passing gebied. Daar word aan die hand gedoen dat die grootte-spesifikasies wat in Muthambi et al (2015) voorgestel word, as riglyn gebruik word by die bepaling van standaardgroottes vir kledingstukke bedoel vir Suid-Afrikaanse vroue van Afrika-afkoms met driehoekvormige liggaamsbou.

Loading full text...

Full text loading...

Loading

Article metrics loading...

/content/famecs/44/1/EJC191760
2016-01-01
2016-12-09

This is a required field
Please enter a valid email address
Approval was a Success
Invalid data
An Error Occurred
Approval was partially successful, following selected items could not be processed due to error