LiG - latest Issue

Sy was op die verhoog, ’n derdejaar-dramastudent, en Pierre was in die gehoor toe sy daardie aand – anders as gewoonlik – in die gehoor in kyk. Toe val haar oog op Pierre. “Dit was asof die kollig net op hom geval het,” vertel sy vandag. “Asof hy die enigste mens in daardie gehoor was.” En nou, ná 22 jaar se getroude lewe – nadat sy hóm gevra het om te trou – wens die borrelende blondekop steeds sy kan die onverduidelikbare aantrekkingskrag daardie aand kloon. “Die woorde ontbreek my om dit te beskryf. Dit is soos water en vuur, maar ook soos see en sand, soos ’n sagte wind op jou vel. Ons voel net so tuis by mekaar! Dit is onbeskryflik wonderlik, net soos God se genade en liefde.”

“Natuurlik is fliek maak ’n besigheid, net soos enige ander onderneming. Maar ek en Donnalee wil ook deur ons flieks ’n verskil aan mense se lewe maak. Ons wil hoop gee, mooi stories vertel en mense inspireer. Sukses is nie ons mikpunt nie; dit is bloot ’n gawe byproduk.” Só praat Ivan Botha oor ’n koppie koffie. Ons is in Johannesburg en die tweeen- dertigjarige veelsydige kunstenaar het vinnig uit die redigeerateljee geglip om met LiG te kom gesels. Ons praat oor Stroomop, die derde film uit die produksiehuis 17Films se stal. Ivan het dié onderneming ’n paar jaar gelede saam met Donnalee Roberts op die been gebring. Destyds het hulle bloot ’n gesamentlike visie gehad wat hulle met Afrikaanse rolprentgangers wou deel. Nou is hulle aan mekaar verloof.

Iemand het hom hoor sing – die regte mens op die regte aand op ’n onwaarskynlike plek. En vir hom ’n kans gegee. Toe begin di

Geopende Deure het onlangs ’n bejaarde vrou in Suid-Korea ontmoet wat byna haar hele lewe lank in Noord-Korea gebly het. Sy is gearresteer toe sy uit Noord-Korea probeer vlug het en was vir ’n tyd lank gevangene gehou in ’n arbeidskamp saam met haar man.In die tronk het Psalm 23 haar soveel vertroosting gebied. En dit was voorwaar ’n heilige oomblik toe sy, tydens haar onderhoud, Psalm 23 vir ons opgesê het. Voordat sy begin het, het die trane al oor haar wange begin stroom en het sy haar een hand in die lug gesteek … Dis al jare sedert daardie ervaring in die tronk, maar steeds beteken die Woord van God vir haar só baie; ’n herinnering aan pyn en genade.

Dit was ’n donker dag vir Elize van Niekerk – 11 Mei 2014. Op daardie dag moes sy die verskriklike nuus verneem dat haar man Petrus en ma Heléne Meyer 40 km van hul plaas in die noorde van Namibië verongeluk het. Op pad terug van haar broer Alfred se troue af. Op daardie stadium was Elize in die derde trimester van haar swangerskap met ’n drieling. Die familie het só lank op hierdie kosbaarheid gewag ... Vandag is Amika, Helani en Divan reeds vier jaar oud. En hul ma is ’n voorslagboer.

“Ek was bo in die lug. Onder het ek my liggaam gesien. Ek was hard aan die skryf.” Só vertel Isebella Blignault, polisievrou van Whittlesea naby Queenstown. Sy het al voorheen stories oor die skeiding tussen liggaam en siel gehoor, maar sy het haar nie juis daaraan gesteur nie. “Ek het altyd gedink: ‘Ja, whatever …’ “En toe gebeur dit met my.”

Toe Nadia Botes, ’n biokinetikus van Parys, destyds met haar eerste kind swanger was, het sy begin soek na ’n vroeëkinderontwikkelingsprogram wat haar kind ’n voorsprong sou besorg. Sy het drs Linda Acredolo en Susan Goodwyn van die VSA se navorsing teëgekom, kundiges wat twee dekades lank die invloed van gebare op 140 gesinne getoets het. Hulle het onder meer bevind dat die gebruik van gebare besonder voordelig vir horende babas en kleuters is, ook omdat dit tot geheelbreinontwikkeling bydra.

Ouers wil graag aan hul kinders die beste moontlike versorging, kos en gesondheidsorg bied. Dit is immers ’n groot lekkerte en ’n buitengewone voorreg om te sien hoe kinders grootword en hul plek in die samelewing vol staan. Vir elke ontwikkelingstadium – as baba, kleuter, laerskoolkind en tiener – is daar belangrike mylpale waarna ouers moet oplet indien hulle gesonde en gelukkige kinders wil hê. “Maar dieselfde beginsels geld hierdie kinders se geestelike ontwikkeling,” sê ds Santie Nel, leraar by die NG Gemeente Kimberley-Harmonie in Kimberley. “Dit is soos ’n huis se fondament wat stewig gelê moet word voordat die mure en die dak gebou kan word. As die fondament nie reg is nie, gaan daardie huis op ’n stadium inmekaarval.

maratonBaie mense kyk elke jaar na die Comrades-maraton en verwonder hulle aan die bo-menslike prestasie. Maar wat van die ‘Comrades’ wat hulle self elke dag in die lewe deurswoeg? Radiokansel 657AM omroeper, Janine van Niekerk, deel haar uitkyk oor die huwelik as ‘n maraton.

Werk, wasgoed en woelwaters hou ’n egpaar ’n hele paar lewenseisoene lank bitter besig. Soms só besig, en só desperaat om kop bo water te hou, dat daar min aandag geskenk word aan die huweliksverhouding. Totdat dit te laat is. Wat nou gemaak? En is dit ooit heeltemal té laat?

Die Bybelskrywers – én Jesus – gebruik soms plante en sade as voorbeelde om moeilike begrippe verstaanbaarder te maak. Die meeste van hierdie beelde word tot vandag toe gebruik om ou waarhede helder voor ons geestesoog te bring. En om opnuut moeilike vrae te vra.

“Sorg dat jy minstens vier sentimeter binne die volgende ses maande groei, of daar is groot moeilikheid in hierdie huis!” Het jy al ooit gehoor dat ouers so iets aan hul kinders sê? Natuurlik nie. Tog is groei die belangrikste ding wat met enige kind moet gebeur. Boonop moet dit plaasvind sonder dat ouers elke paar maande ’n amptelike “groei-bevel” uitreik. Groei gebeur spontaan – of hoe? Goed, dalk is dit nie heeltemal spontaan nie. Groei benodig immers die regte omstandighede: kos, veiligheid, liefde …