Stilet : Tydskrif van die Afrikaanse Letterkundevereniging

There are two main reasons why numerous movie releases are still adaptations of literary works. The use of novels or plays as resources for films was initially a method by which the film industry sought to increase the status of the new medium by drawing the attention of fans of “high culture”. Another important reason is economic in nature. Best-selling novels or dramas are often the best advertisement for a movie.

Daar is hoofsaaklik twee redes waarom talle rolprentvrystellings steeds verwerkings van woordkuns is. Die gebruik van romans of dramas as hulpbronne vir rolprente was aanvanklik ʼn metode waardeur die filmindustrie die status van die nuwe filmmedium probeer verhoog het deur die aandag van die aanhangers van “hoë kultuur” te trek. ʼn Ander belangrike rede is ekonomies van aard. Die sogenaamde trefferroman of -drama is dikwels die beste advertensie vir ʼn rolprent.

Charl-Pierre Naudé se debuutroman, Die ongelooflike onskuld van Dirkie Verwey (hierna slegs Dirkie Verwey) het aan die einde van 2018 verskyn. Die verhaal kan opgesom word as ʼn verslag of memoire van ʼn plaaslike verslaggewer van die Lyksovlakte, Hermanus Verdomp. Gegewens in die roman strek oor om en by vier dekades en sluit ʼn verskeidenheid mededelings in wat in aard wissel van persoonlik, tot verbeeld, tot meer geskiedkundig. Die geskiedkundigheid van sommige gegewens in die roman is “waar” in soverre die Lyksovlakte in die teks en in ʼn ewe-Suid-Afrika bestaan, en die roman is gesentreer rondom kernkarakters en hul lewens (soos waargeneem deur Hermanus) in en rondom dié vlakte. Die roman se fokus verskuif egter toenemend na hul lewens elders: In die roman word gepraat van ewelewens. Dit is dus ʼn roman waarin Hermanus ʼn aantal verhale (wat syne insluit) kruisbestuif in ʼn poging om meer as een karakter se meer as een storie te vertel.